Mikið óskaplega var leiðin óspennandi. Það var dumbungur alla leiðina 28.km. Vissum sem var að ganga inn í stórborg tekur á fætur og huga. Fæturnir grétu af þreytu og sársauka. Þrútnir rauðir másandi fætur eru ekki skemmtilegir að eiga við. Fengum síðustu kojurnar í klaustri. Rúminu eru svo lítil að fætur mínir ná yfir á næsta rúm. Þ.e.a.s. á höfuðgafl næsta rúms. Náunginn þar hafði ekki húmor fyrir því að hafa tærnar mínar í hári hans. Hann brást hinn versti við og öskraði eitthvað sem ég skyldi ekki en hef hugmynd um að hafi ekki verið neitt fallegt. Ég leiddi það hjá mér. Borgin er falleg sérstaklega gamli hlutinn þar sem við gistum. Reynum að hvílast fyrir morgundaginn.
Advertisements
